全新組合CLS成員李創偉（Catry）、陳溢光（Louis）、善玥澄（Shinnie）今天（20日）到新城廣播，接受葉文輝（啤梨）主持的《卡拉O！BABE》訪問，首次宣傳新歌《暴速Boso》。啤梨開心表示：「今日佢哋嚟我節目，聽到佢哋唱歌我都好興奮，因為佢哋揀咗一啲回憶殺嘅歌。」
談到新歌《暴速Boso》，Shinnie表示：「呢首歌係一首幾band sound、幾rock嘅歌，有一啲日本rock嘅style，主要以暴走族作為主題，講飆車。」Catry則搞笑謂：「如果你喺屋企聽住我哋嘅歌去廁所嘅話，會特別暢順嘅。」Louis亦表示：「有啲朋友健身、駕車或跳舞時都可以聽。」
問到三位成員為何會組成組合？Catry笑言：「古語有云，痴痴呆呆多數都係坐埋一枱，當然我哋就唔係痴呆嗰班，係百厭嗰班，所以被安排坐埋一枱。」Louis則補充：「我哋喺比賽，團戰嘅時候已經合作過，合作完之後，到想做作品時，我哋又啱啱有個契機，公司就畀資源同機會我哋。」
談到《暴速Boso》的MV，Catry透露加入了不少特別元素，更設有彩蛋：「MV一開始著嗰件衫係我哋海選時著的衫。」Louis補充：「我哋都用咗好多AI元素，令畫面更天馬行空，突出組合風格。」
其中一幕「照胃鏡」的場面：「即係深喉嗰一part，我哋都係摸吓摸吓先摸出嚟。」對於MV中由賽車主題出現打怪獸的情節，Shinnie解釋：「我哋想表達心魔，將佢形態化成哥斯拉嘅怪獸，透過飆車突破心理壓力。最後揮手告別心魔。」
圖片：新城廣播
