女團VIVA今天（10日）到新城廣播宣傳新歌《Baby Savage》，希望傳達女生可以同時擁有甜美與氣勢。她們一致認為師姐許靖韻（Angela） 是甜蜜代表：「佢好friendly同好陽光。」至於最有氣勢的一位，成員毫不猶豫選擇大師兄謝霆鋒：「佢企上台好似乜都唔使做，打扮可以好簡單，但佢一上台就自帶spotlight，好有呢種感覺。」
談到新歌舞步是否有難度？VIVA表示：「呢首歌嘅音域比較高，係難唱嘅，但每首歌都有唔同要適應嘅地方，所以跳唱都要練習。」VIVA成軍快將兩周年，她們近日一起參加HYROX訓練，藉此作為紀念。「本身就喺到諗，不如我哋兩周年搵啲嘢去紀念吓，一齊去捱苦，或者去做一啲辛苦啲嘅事情，係特別可以凝聚到我哋四個，所以我哋就揀咗去玩HYROX。」
她們形容這是挑戰體能極限的東西，暫時開始了三節的訓練，但在HYROX的人眼中是很少的，「我哋會加油，而且睇到大家一齊好辛苦，又有各種唔同嘅面部扭曲表情，好似精神病院咁，哈哈。」
提到新歌MV反應很好，她們表示十分開心，「我哋每次去做一啲新嘢，都會好擔心市場嘅反應唔好，但今次畀我哋預期嘅反應係好嘅，所以都好放心。」
談到MV拍攝趣事，張鈊貽（ValC）分享道：「第一次拍MV我可以『冬眠』。因為我係第一個人拍，然後每個人拍咗solo再一齊拍，我拍完咗solo之後，佢哋三個拍嘅時候，我完全係昏迷狀態。」她解釋每個人拍solo part大概有一小時，所以她總共獲得了約三小時的睡眠時間。
李晞彤（Carina）則大吐苦水，提到其中一套衣服很難穿：「件衫有一件corset，好似嗰啲馬甲咁，有好多條膠條，所以我向前嘅時候，前面嘅膠條會拮住我全身；我向後嘅時候，後面會有嘢拮住我，所以跳得好唔舒服。」
圖片：新城廣播
