日籍模特兒兼演員松岡李那日前到新城廣播接受羅沛琪（Pinky）主持的寵物節目《寵愛您》錄音訪問，飼養了一頭芝娃娃Meko十六年的松岡，笑言最喜歡愛犬「細細粒」，可以經常帶牠周圍去，松岡又笑謂：「Meko唔驚人，亦都唔鍾意人，佢會兇人，所以我會叫人唔好觸摸佢。」
松岡自2010年來港發展，當時在日本已開始飼養Meko，並由媽媽照顧，但由於疫情關係不能港日兩邊飛，松岡因心繫愛犬，所以將愛犬接來港親自照顧，同時教導Meko遞手、轉圈及坐等，她說：「喺屋企佢唔會亂咁吠，亦唔會亂咬嘢，好乖。」然而，Meko已經是高齡犬，今年初身體開始出現毛病，除了不能站立，更有呼吸困難問題，松岡哽咽表示：「佢睇過好多次醫生，所以好驚，好多人叫我要有心理準備，但我唔得㗎！」
去年加盟新公司的松岡，日前推出新歌《Sugar》，同時首次執導拍攝MV，她直言是一項挑戰，但感到十分好玩。新歌講述愛及一段關係，問松岡的擇偶條件是什麼？她即列出兩大條件，首先男方不能喜愛夜蒲，其次一定要愛護Meko，松岡表示：「如果男仔成日夜蒲就唔可以，要同我一樣早瞓，一齊做運動同食飯，有共同興趣；另外，一定要愛錫同保護Meko，唔錫佢就唔得。」
圖片：新城廣播
