台灣巡唱返港後，鄭伊健旋即投入本月上映的電影《久前重逢》宣傳，是日現身新城廣播接受《430穿梭機》隊友譚玉瑛姐姐的節目「QK玉瑛室」訪問，久違伊健到訪新城，話題由近況講起，阿譚劈頭便問：「你係咪做咗日本人？」
舊朋友聚頭無所不談，伊健坦言喜愛日本早在穿梭機年代開始，「記得喺電視台嗰陣，由兒童節目調去拍劇，那段時間工作好緊張，想搵個地方鬆下，就約埋兩個工作人員去日本，大家一去到，就覺得好似漫畫入面嘅世界。」
從來鄭伊健的訪問，話題都離不開打機，阿譚豪語自己「一次機到未打過」，作為多年好友，伊健熟知對方嗜好——飲紅酒。「她飲紅酒是日師祖級，在兒童節目年代已經開始飲，當年好封建，話做兒童節目就唔可以飲……」互談第一印象，繼續想當年，阿譚話：「伊健畀我感覺，唔係好叻記稿囉，我有冇講錯？」「哈哈，而家都唔係好叻！」好朋友就是不用門面說話，阿譚問伊健為何不生育？伊健秒回：「好似你咁囉……」
活在幸福婚姻中，麥皓兒提到伊健的靈魂伴侶蒙嘉慧，跟她拍劇合作過，留下美好印象，伊健聞言即講「多謝」。最後一節聊到夫妻生活，伊健表示太太打機比她更狠，「佢一定要打爆機！」眾所周知「Work Hard, Play hard」是鄭伊健生活智慧，「名與利，要咁多做乜呢？攞咁多，早餐都係食呢啲，最緊要搵到自己鍾意嘅嘢，工作不忘娛樂。」
詳細訪問內容，請收聽12月16日新城知訊台播出的《QK玉瑛室》，收聽網址：https://www.metroradio.com.hk/MetroInfo/
圖片 : 新城
