首階段管制塑膠產品於周一(4月22日)正式實施，新城廣播三台聯播時事節目《民生無小事》主持林潔瑩、柯創盛在實施當天(22日)隨即請來稻苗飲食專業學會榮譽會長黃傑龍訪問，以飲食業界身份大談「4.22走塑」實施後，食肆面對的困難、有否找到膠餐具代替品，以及「五一黃金周」能否助食肆起死回生？
供應商視替代品為大商機
作為擁有逾50間餐廳的飲食集團主席兼行政總裁的黃傑龍直言，第一階段禁膠主要集中在膠餐具、飲管及攪拌棒等，已經是較容易應付，巿場上更陸續出現不少替代品，他更指出，不少供應商十分重視這次商機，引入各式各樣的替代品，不但有木製的、紙製的刀叉，更有來自歐洲的或內地的，價錢平中貴都有。
雖然替代品的木刀叉或紙刀叉，比膠餐具的成本價格有所下降，但對食肆仍有着不少影響，黃傑龍坦言：「而家貴一倍左右，即係貴兩、三毫，但影響大唔大？梗係都大啦，而家生意唔好嘛，同埋一乘就乘每日幾多百盒，再乘一年365，唔係一件嘛，個比例就唔少口嘅！」因此，最環保的方法，應該要多教育巿民自攜餐具，既能減低經營成本，更可以減少製造垃圾。
垃圾袋耗費 一年唔見300萬
惟當主持柯創盛問到8月1日即將實施的垃圾徵費問題，黃傑龍直言，以集團旗下50多間分店過去一個月消耗的垃圾膠袋計算，「隨時一年要畀300萬，即係每年唔見一架法拉利！」他解釋，因為玻璃樽、膠樽體積大，佔用垃圾袋空間最多，但由於政府的回收配套未完善，以其集團旗下大部份食肆處於商場內，而目前大部份商場仍未做好回收制度，故他估計8月政府未必能確切推行垃圾徵費。
當主持林潔瑩問及廚餘回收問題時，黃傑龍自言到過不少國家及地區考察，認為未必適合在香港實行，而業界普遍最擔心人手問題，「請唔到人，洗碗請唔到，點搵到人分廚餘？」而廚餘分類更是一門學問，「龍蝦殼就唔好擺入去，牛骨就唔好擺落去，普通蝦殼就得、雞骨就得，豬骨就睇佢硬唔硬啦？」
除了廚餘分類遇上問題，廚餘容易腐爛發臭，「我哋商業計，你諗吓啲廚餘一堆堆，第一好厭惡性，第二蛇蟲鼠螞唔同你等架，佢唔等到你夜晚得閒先出嚟！」黃傑龍坦言，過去為滅鼠滅蟲花了不少功夫，難以想像廚餘積聚產生衞生問題。
食肆陷淘汰戰 望黃金周見生機
即將到「五一黃金周」，主持柯創盛問及這五天假期，估計約有80萬人來港，食肆如何應對時，作為優質旅遊服務協會主席的黃傑龍表示，業界普遍視「黃金周」為一次生機，估計比早前復活節時過百萬人離港，巿道應該較好。
他不諱言，食肆餐廳都面臨淘汰戰，有主要接待遊客的食肆，會透過小紅書這類社交平台吸納食客，而客路以港人為主的，則推出其他優惠或創意，食肆為生存用盡不少自救方法，否則最後難免走上結業之路。
《民生無小事》
中午12時至1時，《民生無小事》節目，新城「財經台」、「知訊台」、「采訊台」三台聯播
