麥明詩與盛勁為婚禮足足舉辦了三天，場面非常盛大，麥明詩事後在IG分享舉辦背後的原因，唔少網民睇完都留言表示敬佩，因為舉辦一場搞足三場的婚禮不容易。
麥明詩搞足3場婚禮：怕有衝突
近日麥明詩分享了舉辦三場婚禮的意義，她坦言不是為了盛大的排場而這樣做，而是為了滿足所有人才舉辦三場婚禮，她先解釋第一場婚禮在圍村舉行的意義：「由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。第一場盆菜宴，主角係老爺奶奶。我地盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」
第二場婚禮，麥明詩直言主角便是父母們，她寫道：「第二場係正常擺酒，主角就係麥生麥太，菜式、流程、程序等都以佢地嘅意見為首。圍數全部歸佢地兩老，只受場地所限而唔使同對家協調，婚紗款色都迎合佢地喜好」
麥明詩第三場婚禮先滿足自己同老公
到最後一場麥明詩坦言和老公才是主角：「至於第三場，就係更瘋狂嘅Party，主角終於係我同盛生喇，因為之前已經Take care 咗雙方父母嘅要求，呢次我哋就可以盡情選擇自己鍾意嘅嘢，戶外草地、樂隊歌曲、西式食物、無限酒精…爸爸媽媽雖然唔識欣賞，但係都好盡力去嘗試投入」。
麥明詩做足孝順女本分呼籲大家千萬唔好盡信呢句
麥明詩解釋這樣可以避免了不少衝突，男女家再也不用爭圍數，笑言最初兩場的婚禮做足了兒子和女兒的本分，到第三場他們可以與一眾朋友玩得盡興。最後麥明詩明白家家有本難念的經，所以這篇長文只是想分享搞婚禮的經驗，但亦要提醒大家一句家人的「冇咩所謂，簡簡單單就OK」盡量不要相信。
