歌手梁釗峰今年一月完成左膝半月板手術，康復不久便現身新城廣播，接受黎莉主持的《勁爆樂勢力》訪問。他親述手術後的難忘經歷，坦承自己從愛逞強到學會正視脆弱的心路歷程，並帶來新歌《半月辦好》，記錄這段刻骨銘心的康復時光。
一向熱愛運動、跑山、打籃球的釗峰，坦言從未想過自己會有「動不了」的一天。他憶述：「手術後半個月以為腳可以掂地，就代表好快好番，點知醫生所指嘅掂地只係字面意思，就係腳掌掂到地面，完全唔帶任何負重。」他苦笑說，手術後需撐著拐杖行走，一度想坐輪椅去行年宵市場，結果到了維園附近便放棄。「原來用拐杖嘅人，手心係會瘀，因為不斷咁郁，就算臂力再好，唔得就係唔得。」
這段經歷讓他深刻體會到四肢健全並非必然，「四肢其實真係好重要，嗰刻嘅無力感，係做手術之後先知道。」他直言，以前跑山、上山下山的自己，與現在撐著拐杖步步為營的自己形成了極大反差，不禁感嘆：「原來『嘩，我都有唔得嘅時候』。」他更大爆父母探望他的時候，當時自己還逞強表示OK，「但原來自己唔係太OK，佢哋一走，我就試吓用拐杖去廁所，平時健步如飛，但連去廁所都唔得，好困難。」
釗峰是次帶來的新歌《半月辦好》，正是他手術前後的心情寫照，旋律是在手術前，前往工作的升降機中哼出來的，手術完成後他覺得必須記錄這件事，便以此為基礎創作成曲。
歌曲的核心訊息是關於「逞強」，「我想寫嗰種逞強嘅心態，某程度上係好嘅，能自我勉勵、戰勝困難，但當去到一個臨界點，其實係唔得嘅。」其中一句歌詞「難得我這身軀覺痛 就沉著痛 心理有助於止痛」，他坦言相當喜歡：「呢句歌詞係話畀自己知『我唔痛』，但其實我係痛、痛、痛。」
走過手術與康復之路，釗峰對生命有了新的體悟。「唔開心要盡，咁樣先會有開心嘅時刻。盡興係好重要，唔開心要盡興，開心都要盡興。」他透露現階段已開始恢復運動，包括打匹克球，但坦言身體機能還沒回來。「郁兩郁就呢到痛，嗰到又痛。」
