組合Lolly Talk成員鄭芷淇（Elka）今天（30日）到新城廣播宣傳首支個人單曲《未firm》，正式以「單飛」姿態推出Solo歌。Elka接受「新城八大家」訪問時，坦言單飛心情既緊張又不習慣，問到其他隊友會否因此羨慕甚至妒忌她？Elka亦大方回應。
對於沒有隊友在身邊，要獨個兒四出宣傳及受訪，Elka坦言：「其實我自己係超級緊張嘅，而且有啲唔習慣。」她解釋以往做訪問身邊有很多隊友，十分嘈吵，但現在只得她一人面對，她更直言：「我係一個好驚的人，講嘢都冇自信，好怕講錯嘢，同埋驚自己個腦袋轉唔切。」
提到新歌《未Firm》，Elka形容風格跟以往Lolly Talk的曲風很不同：「我會形容新歌為少少indie pop，但melody會比較複雜，偏廣東歌比較pop，將呢兩樣嘢融合埋一齊。」她指Lolly Talk的歌比較正能量和有活力，但這首新歌帶點Emo嘅感覺，希望畀大家睇到我新嘅一面。
Elka坦言隊友們都十分支持她，「呢首歌未出嘅時候，我已經畀佢哋聽，佢哋嘅反應都係覺得好驚喜，原來Elka唱呢類風格都好有感覺。」她透露隊友在她出歌前已跟她說加油，而MV首播時，隊友更陪她一起觀看。
至於成為首位單飛出歌的幸運兒，問到隊友可有羨慕或妒忌自己？Elka笑笑口表示：「其實大家都有好多唔同嘅溝通，成員們都有好多自己想去做嘅事，大家期待一吓其他成員們會有咩新動向，同埋記得留意大家嘅社交平台。」似乎有所暗示。
圖片：新城廣播
