新城廣播有限公司首席營運總監馬浚偉先生繼續進行優化行動，開拓新城廣播經理人部門，並且知人善任晉升節目主持范振鋒為新城廣播有限公司藝人經理人及項目總監，老婆李思欣現身支持范振鋒。另外新城廣播有限公司 總經理（數碼媒體及業務拓展）陳小芝小姐、新城廣播有限公司 總經理（節目規劃及頻道運作）朱子昭先生及新城廣播 知訊台 台長 程凱欣小姐在現場也送上賀禮祝范振鋒升職。
范振鋒希望能幫助公司同事工作上有突破
范振鋒接受新城八大家訪問時，表示在新城廣播有限公司長大，對於今次能擔任公司藝人經理人及項目總監，是一件非常值得開心的事。范振鋒坦言與同事已認識了很久，希望能幫助到他們發展，同時亦分享對未來一些期望：「希望出面一啲歌手，新人或舊人加盟我哋新城」。范振鋒續說有部份人已洽談好了，會遲一點跟大家公布。
范振鋒講求藝人同經理人之間要有信任 警惕自己呢件事
另外范振鋒指自己也是一名藝人，明白藝人需要的是什麼，他直言：「經理人同藝人需要信任，自己要做到應承人哋嘅嘢，雖然唔可以百份百控制，但都唔可以咁誇張。好多時以前聽經理人同藝人糾紛會點點點，我都會擔心呢啲嘢，所以要成日要警惕唔好令人失望。第一自己唔好咁誇先，講到一定捧到做最受歡迎女歌手，但起碼基本嘢都會做到先。」
范振鋒爆有人已短訊尋求合作機會
范振鋒透露現時有一些人發短訊給他希望大家之間有合作機會：「我哋會搵一啲新人又好，舊人又好，其實呢行好細，都已經有人問我公司係咪有搞作。其實互相囉，我哋揀人，人哋都揀我哋，要磨合下。」
老婆李思欣爆早已簽「長約」
老婆李思欣也有到場祝賀，對於會否簽老婆做公司藝人，李思欣笑言很久之前結婚的時候已經簽了給他：「好多年啦，同埋好多時候嘅Job都係佢幫我簽，有時候都會一齊做」。
