近年頻頻舉辦有關情緒健康workshop的張敬軒，身體力行支援社會上有需要關懷的朋友。由身心健康到音樂造詣，皆有經驗之談分享。軒公有感近年網絡上有不少唱歌發燒友熱衷分析他的歌唱技巧、風格，既然大家感興趣，不如由本尊自己開talk分享。
昨夜凌晨時份，軒公無預警在Threads現身宣布將開辦個人歌唱工作坊，揚言會將過去十幾年嘔心瀝血結合的400頁聲樂筆記與舞台秘笈大公開。消息一出即時炸爆網絡，更有人點名叫軒公邀請新生代歌手洪嘉豪（Kaho）上堂，笑言：「等Kaho學完再同你合唱《青春告別式》2.0！」
張敬軒在帖文中謙虛自嘲：「自問唔係一個聲底特別好嘅人」，但正正因為咁，過去十幾年不斷「嘰嘰吃吃」地鑽研唱功，由作品分析、錄音前的聲樂準備，到現場表演位置轉換、監聽調試技巧，甚至演唱會技術執行，全部都有系統化筆記。
今次Workshop將分為四大範疇的講座，拆解軒公作品處理思路同演唱方法，預告於2025年9月至11月正式「開壇」。唔少網友大讚佢無私分享，仲話：「呢啲先係真・大師班！」
帖文一出，Threads瞬間被洗版，除了粉絲爭相查詢，更有網友tag洪嘉豪「上堂啦！」，軒公自己都曾經公開讚Kaho把聲「好有質感」，難怪網友極力促成呢對「師徒組合」。
圖片：IG、Threads@hinscheung
