《卡拉O！BABE》返嚟喇！由新城廣播創作總監及節目主持啤梨（葉文輝）主持的經典節目《卡拉O！BABE》正式人氣回歸。日前（8日）首播， 逢星期五，下午6:00 – 7:00。
第一日開咪已經有不少驚喜，所有電話線爆晒燈。仲有「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，喜出望外。
潘紹聰即場獻唱《傾城》 鬼馬改歌詞引爆笑點
聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」。而好友潘紹聰知道啤梨節目首播，馬上全力支持，仲罕有在大氣電波展示歌喉，即席獻唱近經典歌曲《傾城》，仲即興大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」
吳業坤驚喜獻唱：我係吳業坤！
進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」更即場演唱自己首本名曲《陽光點的歌》，為節目炒熱不少氣氣。
坤哥笑言：
細個讀書嗰時成日心大心細都好想同阿妹打上卡拉O ! Babe 唱歌比（畀）啤梨聽而家做咗爸爸之後（兩貓一狗）終於有機會打上去完咗兒時嘅夢想
啤梨望觀眾開心聽歌兼唱歌
可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢周五晚6時至7時，都可以打1834997，「開開心心聽吓歌、唱吓歌」。
