37歲的新手媽媽連詩雅(Shiga)在6月底剛過生日，而今次更是與老公陳家樂、囡囡小星星首次一家三口齊齊慶生，剛好囡囡亦即將於7月中滿一歲，難怪她直言今年生日是一個很難忘的回憶，特別甜蜜和窩心，並透露今年的生日願望：「希望大家身體健康，做到想做嘅事！」
日前Shiga現身新城廣播知訊台，接受台長程凱欣和麥卓華(小麥)主持的《原來生活好快樂》之《自主人生》訪問，大談婚後產女迎來的人生第二階段，以及夫妻間相處之道，亦正正是她近日推出的新歌《人生使用說明》，主要想帶出成長這個議題，讓她學懂了減少執著，「少一點抱怨，多一份感恩」。
一向直話直說的Shiga在節目中坦言，與老公陳家樂之間沒有秘密，認為夫妻二人無論遇到開心或不開心的事，大家都應該嘗試去分享和包容，「一段婚姻預期佢係一個一世嘅路程！咁女都生埋，老公又係自己揀，同佢有小朋友又係自己想嘅，有乜嘢大得過要拗到去傷害大家感情？」訪問中亦不禁大讚家樂：「佢都好sweet嘅，佢都會知，都會識做，以前可能係好轟烈呀，而家反而係學識enjoy一下平淡之中嘅幸福。」
成為人妻及人母後的Shiga不諱言自己急速成長，更令她有不少得着：「我好感恩我遇嗰個人我覺得夠喇！我唔需要搵一個better，因為冇人會係better，因為呢個世界總有better，你唔識得珍惜你擁有嘅嘢，就永遠都有better！」
圖片：新城廣播、Shiga IG
