情侶之間互相幫手買嘢原本係一件正常不過嘅事，如果係買M巾你又點睇？日前一位港男就在社交平台上發文，指自己近日因幫女友買M巾，排隊畀錢嘅時候聽到後面兩個人嘅對話，被踩中雷區嘅佢即時嬲爆。
當呢位男士排隊畀錢嘅時候，聼到後面一個化濃妝嘅男仔同另一個化冇咁濃妝但係個頭AK咁樣嘅男仔嘅對話，二人大聲評論「咁核突比我真係唔會幫我條女買囉」、「人哋乜乜乜（帶住耳機聽唔清楚）嘅情趣」，令到事主極度憤怒。
到畀錢嘅時候，收銀阿姐都有主動問佢：「要唔要膠袋啊，我送畀你，俾人見到唔好啊。」佢選擇拒絕，認爲男士幫女友買M巾完全冇問題，事後仲喺社交平台發文怒言：「而家又唔係清朝，就算你係覺得有問題都唔使咁大聲講，有損自己人格。」
最後佢決定用這1舉動還擊，「就係為咗呢啖氣我決定徒手拎住搭車」。
事主嘅發言同行爲引來網民贊賞，唔少網民係社交平台上表達咗自己嘅諗法，都覺得「好有型」、「唔明點解會覺得有問題」、「根本冇尷尬嘅必要」。
圖片：Threads
