近日一件發生於東鐵綫列車車廂嘅讓座事件在網絡上引發爭議，1名阿婆搭乘時強迫2名後生女讓座，雙方繼而互相拍片，爆發罵戰。
阿婆仲手指指對住2個女仔，最前曾開聲叫佢哋讓位，仲批評佢哋扮聽唔到，沒有家教，仲冇經過女仔同意之下就用手機錄像，女生反問阿婆「咁我影你得唔得呀」，阿婆話「得」，但當鏡頭對住佢嘅時候，佢向鏡頭舉起中指。周圍有女乘客睇唔過眼，「你唔好倚老賣老啦，講真」，阿婆出聲反擊，話自己唔係倚老賣老，而係「講家教」。
網絡亦流傳1張疑似阿婆角度拍攝嘅照片，可見2個女仔嘅座位上方，雖貼有關愛座貼紙，但當時佢哋坐嘅位置並唔係關愛座，因而不少網民批評阿婆係「蝦細路」，「讓係人情，唔讓亦係道理」。
最後2個女仔落車時有詢問港鐵職員有關讓座嘅問題，職員回應指「讓唔讓係睇自己，想讓就讓，唔（想）讓就唔讓」。
圖片：網絡
