萬千寵愛的聲夢小花姚焯菲（Chantel），出道以來一言一行備受關照，尤其年前Chantel曾出走新西蘭讀書，每有市民野生捕獲小公主都會成為網絡話題，去年Chantel曾在機場被粉絲捕獲，未幾合照在網上流傳，更慘遭Haters攻擊，不乏直斥她「身材發福」、「走樣」等等攻擊性留言。
面對網絡攻擊，其時Chantel忙於學業未有回應，昨晚Chantel初登大熱社交平台Threads，第一條發文便重貼這張與粉絲合影的機場「發福照」，並有感而發：「《女神》 出左街之後，我突然諗返起呢張相。 呢張相係新西蘭影嘅，然後果位fans post左上網。轉個頭第二日一起身，我收到好多負面訊息、見到香港嘅articles 都係到講緊呢張相。我記得果朝仲要係放完假第一日返學，所以加埋呢啲新聞，心情特別差。但係我好快諗返起影呢張相嘅同一日，著住同一件衫、素顏，我去左間餐廳。有一位陌生人媽媽突然走過黎同我講左聲 “you are so beautiful”。我個心暖左一暖，但係冇諗過呢句說話對第二日嘅自己會有幾重要。重要嘅原因係我學識左 同一日 同一個樣可以有人話你靚 有人話你醜，呢啲評語已經唔需要在乎。反而唔好被呢啲評語動搖自己嘅自我價值先係最重要。同埋唔好忘記呢個世界好多人會唔欣賞你，但係總有一個會。一個已經夠。」
早前小公主在《聲生不息》與衛蘭、容祖兒及薛凱琪三位師姐同台合唱鄭欣宜大熱歌曲《女神》，黃偉文筆下歌詞正面積極，希望女士們明白到「只要你有自信，你就是美麗」的訊息，同樣被歌詞感動的Chantel想起去年這件小事情，一時感觸撰文抒發內心感受，又分享了拍攝這張照片當日，她曾經在一間餐廳遇到一位女士，被對方大讚「you are so beautiful」，令她深受啟發，明白到旁人的眼光並不重要，不應該為負評感不快，動搖自我價值。
Threads貼文一出，網友即爭相留言支持Chantel，「審美標準人人都有些微差異，不用太在意，做自己就可以」、「自己開心健康最緊要」、「我係香港人，我真心覺得你靚」、「睇住你由小朋友長大，覺得你真係大個女啦，so proud of u」、「望左十萬次都唔覺得呢個身形有咩問題，個人覺得係完美」。初次登陸Threads的Chantel入鄉隨俗，用真身回應網友留言，有人質疑這段文字不是出自Chantel手筆，她報以喊喊emoji真誠回應，「係自己寫的，可能真係老靈魂」，又有人笑指機場照片沒問題，個人好靚，只是影得唔靚，鬼馬的小公主即表示：「嗲吔影的，佢訓練中。」
近日《聲生不息》釋出姚焯菲身穿晚裝的新一輯照片，預告即場返場《聲生不息大灣區季》，自現身節目後，Chantel吸引不少「新小菲象」追隨，憑實力成功圈粉，期待小公主再上《聲生不息》舞台。小女神加油。
圖片：Threads@chantelyiu
