歌手黃妍（Cath）在昨日(12日)元宵佳節與同公司的力臻、Michael C現身新城廣播接受「Z世代咪高峰會」節目訪問，適逢元宵與臨近情人節，主持T.MAX及J.Y悉心安排與力臻、Michael C來個爭奪美人芳心挑戰。４位一齊走出直播室，各自以一百元限額搜羅一份情人節禮物，在節目中送給黃妍，以搏取女神Cath的歡心！
４位非常認真，花盡心思挑選情人節禮物，並在節目中分別送給女神Cath「示愛」，並用土味情話表達心意，十分搞笑。Michael C以70元買了一個蠟筆小生水杯，並溫柔地向女神解釋：「知道妳好鍾意飲水同埋蠟筆小新，就算唔鍾意呢個人，都要用呢個杯飲水，陪著妳一輩（杯）子！」黃妍聽完即拍曬手大讚，好嘢！
正當Michael C自以為已經成功嬴得女神芳心，沾沾自喜之際，勁敵力臻介紹為女神挑選的咖啡豆：「我同女神都好鍾意飲咖啡，咖啡的香氣及味道可以令到女神勾起回憶。而且，我唔買得多，只買100克，女神飲完要再搵番我，愛情延續下去！」聽到女神非常之冧！
輪到主持T.MAX出示求愛信物，蠟筆小新加三角龍figure公仔一對時，黃妍大叫好搞笑呀，T.MAX馬上充滿自信與驕傲解釋：「一對才叫一套，每人拿一隻，就好似定情信物咁！」冧到黃妍即時擺出心心眼。
自言從未追過女仔的主持J.Y，送出第一份情人節禮物送給黃妍時說：「呢部係《Back to the future》車仔，係給10年後的一個承諾，10年後攞著呢部車仔換真車(Back to the future)。如果不揀我，就要不停返回過去！」
J.Y好絕的招數，女神Cath卻非常受落，即時嬴晒！黃妍更即時扭軚向Michael C及力臻大派「檸檬」：「杯同figure公仔，我屋企都有好多，咖啡豆係！《Back to the future》嬴！」三位竟然輸晒給從未追過女仔的主持J.Y，J.Y即時展示勝利者姿態，十分搞笑！
圖片：新城
