藝人姜皓文（黑仔）和太太殷寧日前（5日）到新城廣播接受程凱欣和麥卓華主持的《原來生活好快樂》訪問，黑仔與太太宣傳兩人以夫妻檔炮製的賀歲電影《哈哈哈新年喜戲》，擔任電影編劇的殷寧坦言以輕鬆心情完成任務，黑仔笑指：「我當佢玩玩吓！」
然而，殷寧並非「玩玩吓」，而是相當認真面對這次新挑戰，黑仔大爆：「佢好勤力，睇咗好多電視劇同電影，超過一百部，日日喺酒店睇，睇吓其他評價，分柝觀眾點解會鍾意同唔鍾意套電影。」殷寧則表示：「當時佢（黑仔）喺馬來西亞拍緊電影同電視劇，我有好充足時間煲劇、睇電影，佢哋又話賀歲片想搵人寫，咁寫吓又冇話拍嘅。」正如黑仔所說，殷寧做足資料搜集，十分重視這次做編劇的重任。
程凱欣形容黑仔外形黑黑實實，甚有「大佬」風範，不過黑仔自嘲：「我唔係㗎，唔識我嘅人會畀我嚇親，我其實係老襯（鱷魚頭老襯底），唔好畀我嚇親，尤其對住新朋友，我唔係好識交際，啲人覺得我成日黑起塊面，講嘢又一句起兩句止，覺得我好鬼寸。」不過入行多年，黑仔自言有所改變，他稱：「依家慢慢覺得唔應該咁，要放開多啲，同人傾多啲計，以前好多記者都話我唔適合做呢行，太太都成日叫我退休。」
殷寧解釋因有感黑仔在圈中壓力太大，故有此想法，她說：「呢行畀佢壓力好大，佢好緊張自己演出，本來係好嘅，但每樣嘢唔會做到一百分，唔會所有人都鍾意你，佢就成日反問人哋唔鍾意自己啲乜，自己有咩做得唔好，咁好唔健康；所以我就寫呢個劇本，想佢拍番啲喜劇，見佢撞番以前做喜劇啲演員，笑到標眼淚，我覺得人生應該要開心。」
圖片：新城廣播
