現年30歲的蘇可欣在加入TVB前曾是一名空姐，她是參選《香港小姐》入行，選美過後便成為《娛樂新聞台》的女主持之一，不時也可以看見她客串劇集。而早前在劇集《飛常日誌》中見她做返老本行，穿上制服做返空姐，令網民大讚呢位空姐真靚女。
宣布離巢TVB：我一直深信我是幸運的
昨天（29日）她於個人社交網站中宣布離開工作了8年的TVB，蘇可欣寫道：
呢個世界好大 我想去望下當初離開香港航空嘅時候，有同事問我值得嗎？
一轉眼將近八年時間，喺TVB既日子令我見識很多，學懂很多，係時候翻開新嘅篇章向前走。我一直深信我是幸運的。誤打誤撞走上了當主播司儀嘅路，我好感激娛樂新聞台帶比我嘅一切，係呢個温室嘅時間，快樂時刻佔絕大多數。我會懷念跟你們在大房的歡樂時光。
蘇可欣笑言在TVB工作8年，坦言自己並不是一個聽話的女生，更透露自己唔好的地方比起好更加多，但同時感激經理人對她的包容：
私下嘅我其實唔擅長同人溝通，呢個時候佢總會陪伴我左右代我說話，當然有時佢都會做幕後推手令我防不勝防，但係我都會由心底去感激你，咁多年高高低低感恩有你陪伴。多謝一眾台前幕後嘅同事，一齊共事嘅時光會長留我腦海之中。最後，世界好大，我仍然想再去望下。我哋換地方再見
