MIRROR成員之一邱士縉Stanley，其實早前經已演出多部劇集如《大叔的愛》、《地產仔》及《IT狗》，雖然被稱為MIRROR嘅外「下弦」，初出道時更於MIRROR眾多成員之中不被看好，但憑着精湛嘅演出成功讓網民眼前一亮，更被網民稱最有機會升上「上弦」嘅成員之一。擁有健碩身形嘅Stanley，雖然好外表感覺成熟硬淨，但其實出道期間一度懷疑自己，失去自信。
入行前為舞蹈者 曾幫郭富城伴舞
Stanley大學就讀城市大學，跟Anson Lo一樣同為舞蹈學會成員，畢業後亦曾成為專業舞蹈老師，亦身兼舞者，為不少天王巨星伴過舞如郭富城、林憶蓮等，出席過大大小小嘅舞台表演，後來想突破自己，將發展領域拓寬而有意參加不同嘅比賽入行成為藝人。由於鍾意睇電視，由細到大都希望入行成為演員，曾報讀過4年演藝班，更有參加過香港先生選舉，可惜因為停辦，最後去咗參加《全民造星》，最後更打入十強，成為MIRROR成員之一，一炮而紅。
學會自愛重拾自信
不過Stanley喺MIRROR 12子之中曝光機會較少，亦不被看好，被外界定性為「下弦」。Stanley曾於VIUTV節目《調教你MIRROR》中，坦言覺得自己並無任何特別之處。Stanley亦曾於訪問中表示 : 「你看我表面充滿自信，其實並不！天外有天，看過世界有多大，你更會發覺自己渺小到不得了。」」
因為覺得自己並無別人閃亮，而一度自我懷疑，但沮喪過後Stanley好快便明白到要有個人突破必先要擁有自信 :「我深知我可以成為一個更出眾的人，尤其立足這一行，定必要緊握自信。因此我常自我鼓勵、做每一個決定先問問自己是否正確才繼續前行。」
除咗要建立自信，更要懂得自愛，Stanley強調要享受每一個階段嘅自己，接納自己嘅弱點，愛自己，讓自己想為一個更好嘅人，更表示 : 「我看見自己的弱點，先視它為獨特之處，不嘗試立即投訴，要知道這些都是塑成今天的自己。是接受、省思再到改善進步的過程。我好enjoy每一個階段的自己。
以搞笑幽默形象示人
雖然初出道時不被外界看好，但經過調整，Stanley似乎終於搵到自己嘅定位，並清楚要讓觀眾與自己舒服必先要做返自己，例如搞笑幽默，讓觀眾看到嘅不只係台上唱歌跳舞嘅一個偶像而已，而係一個更加立體嘅自己，雖然年過30歲，喺演戲角色上或有所局限，但Stanley深信吸引力法則，只要堅持自己想走嘅路，好嘅事情自然會出現。
