歌手兼DJ的歐陽德勛當過演員、音樂監製等，近年他積極在外地發展演藝事業，因此在香港少有露面。歐陽德勛曾在多間電台主持音樂節目，經驗十足。已封咪10年的他，近日在新城廣播首席營運總監馬浚偉先生邀請下強勢加盟。
歐陽德勛封咪10年受馬浚偉先生一個電話出山
歐陽德勛感恩天父能在他的廣播生涯中，令他走到第三個站是一件不容易的事，歐陽德勛透露這10年一直在「等」，終於有今天重返做DJ的機會，「我有時諗點解新城都好似冇乜機會呢，惟有等囉，等咗一陣子都冇機會。但突然之間馬浚偉先生，就係一個電話，『德勛我係馬浚偉』呀，就係咁樣有呢個契機，跟住佢都好詳盡講畀我聽佢嘅大計。」
激讚馬浚偉自由度極高 爆對方禁止做1件事
歐陽德勛正式加盟新城廣播做DJ，大讚馬浚偉先生給予的自由度極高，表示馬生只要求他做好一個廣播節目，「可能佢哋覺得德勛都好音樂性，所以好放膽畀一個時段我。馬生非常好，好信賴我，佢講『德勛你用你把聲啦，用你音樂知識同人開開心心咁過』，所以呢個都係一個DJ Show，冇畀任何掣肘，只係叫我一件事，唔好播佢嘅歌，不過呢個講笑，但係自由度好高。」
承諾會與時並進 碌人情卡搵呢位歌手幫唱節目名
這節目於星期1至5每天晚上9點至10點播出，對於10年沒有開咪的他笑言絲毫沒有擔心：「就好似你學咗揸車但冇買車好耐冇揸，突然有車坐返坐喺位到，你就會自自然然識點揸車，記憶就會返嚟。呢度我真係新人嚟，雖然係我第三個站，但問題不大。」德勛同時強調雖然自己年資比較資深，但會與時並進，新舊歌也會與聽眾開心Share。
另外節目名稱叫做《沿途有我 歐陽德勛》，他坦言為了這個音樂節目，在節目播放前的音樂前奏特意請到好朋友蘇永康錄製，「我希望豐富我節目我都搵我啲死黨拍拍膊頭，搵佢哋幫我唱節目名，我搵咗蘇永康幫我唱下節目名，加持呢個節目，再幫大家重拾記憶，與時並進。」
