入行18年的實力派泳兒（Vincy)，由出道被批評「過瘦」，到近年參與歌唱比賽節目擔任導師，與學員同台表演被網民批評「太搶」，歷年來面對芝麻綠豆指控，每次回應都盡顯藝人高EQ一面，日前Vincy以「Y2K風」打扮與樂隊Pandora出席音樂節目，一身打扮被網友毫不留情批評。
「Y2K」是千禧年代的簡稱，而「Y2K風」則包含螢光色、金屬與水鑽等元素，當日Vincy一身銀色tube top襯牛仔褲，肩膊鎖骨與纖腰盡現，非常性感。潮流歸潮流，造型曝光後有網民攻擊Vincy打扮，在社交平台發文：「身為一個出道18年嘅實力女歌手，着到咁出show係咪求其得滯？都40歲係咪可以有taste多啲？着到去蘭（蘭桂坊）咁」。
對於批評，Vincy親自回應網友：「taste本身就係一件好主觀嘅事，多謝你嘅意見。衣服並不是求其襯的，有專業嘅服裝團隊同埋尊重返場合去襯衫的。相信40歲的女士仍然都有好多衣服風格嘅選擇，仍然可以着出自己嘅感覺。我都有好努力keep fit㗎！」在回應中，Vincy毫不介意提及年齡，表示服飾是由專業團隊配襯，重申並不「求其」。
有彈亦有撐，不少粉絲留言支持泳兒，為她大感不值，「件衫好靚，套衫襯得好靚，睇嚟香港人壓力好大，雞毛蒜皮都鬧。」歌手保錡也幫口，支持Vincy要為自己而活，「穿自己喜歡的衣服，唱自己喜歡的歌！人生為自己而活，笑一個。」
圖片：IG@vincychan
