姜文杰（Benji）日前到訪新城廣播接受潘紹聰《恐怖熱線》訪問，大談靈異經歷，Benji沒有陰陽眼，卻對鬼神感到好奇，一向尊重神佛及靈體。
作客鬼王節目，姜文杰自備了第一身靈異經歷與鬼王潘紹聰及聽眾朋友分享，話說爸爸秦沛在Benji出世前，曾替親友照顧一名叫Alton的男孩，「爸爸好鍚Alton，但好不幸地，Alton有年發高燒離開咗人世，我爸爸好唔開心，因為Alton係佢湊大，而當年我得幾個月大。」
Alton離世時，Benji還是一個手抱BB，與父母同住於沙田獨立屋，秦沛因Alton不幸離世深受打擊，晚晚借酒消愁。某日，他突然聽到BB房傳出笑聲，第一時間衝入房中看兒子，怪事發生了，他看到幾個月大的Benji正望着天花板的風扇哈哈大笑，而房中並沒有任何人……
Benji複述父親當時目睹的情況，「就好似有人喺天花板同BB玩咁，一路喺度笑，風扇亦都郁緊，嗰刻我爸爸諗到會唔會係Alton返咗嚟同我玩？但佢出於父親對兒子嘅愛護，突然衝口而出講咗一句『係咪你？返嚟探我唔緊要，唔好嚇親我個仔』，爸爸講完之後即刻好後悔，最詭異嘅係，當時啲窗閂晒，突然打開咗，窗簾吹吓吹吓，爸爸感到佢走咗，之後亦冇再發生類似事件。」Alton回來嗎？秦沛深信不疑。
鏡頭一轉，時間線來到Benji一家移民加拿大前，姜媽媽曾在家中親眼目睹一個小男孩的靈體，事有湊巧，未幾有位auntie手執一張男孩的相片，告訴Benji有一位哥哥很愛鍚他，原來這位哥哥正是Alton，「我媽咪見到張相，話就係佢見到嘅靈體，可能佢知道我哋移民，同我哋講拜拜！」人死後靈魂會回來探望親友好友嗎？信不信由你。
更多精彩內容，請重溫8月31日，晚上11時至凌晨1時正，新城知訊台《恐怖熱線》節目 ，重溫網址：https://www.metroradio.com.hk/MetroInfo/
圖片：新城
