巴黎殘疾人奧運會（巴黎殘奧）於香港時間周四（29日）凌晨舉行開幕式，港隊的羽毛球男子代表陳浩源和乒乓球女子代表王婷莛擔任持旗手，手持特區區旗帶領代表團進場。
陳浩源在社交平台貼上他在開幕禮擔任持旗手的照片，並發表感受，「呢幅將係我人生入面其中一幅最珍貴嘅相。」他表示當他知道自己成為持旗手時，哭了幾個晚上，可能是因為自己驕傲，亦可能因為感懷身世，「我出生喺屋邨，名正言順一個香港嘅屋邨仔。細個家境並唔富裕，到咗大個遇上一場交通意外，成為咗一個殘疾人士，我冇諗過自己會點樣成功，人生亦好冇自信，但係遇上運動，令我人生有180度改變。」
他認為運動帶及他的價值，不能用金錢來衛，「由一個出身底層嘅屋邨仔，殘疾人士，到成為殘奧獎牌運動員，今屆更加成為持旗手。遇上運動，不單令我身心靈健康，更另外有一個不一樣嘅人生，呢個就係運動嘅魔力。」陳浩源希望大家能支持今屆中國香港代表隊，「不單止留意我哋嘅賽事，更可以留意我哋嘅故事，希望無論場內定係場外，我哋都可以感動你，證明大家知道我哋係值得被支持，值得被尊重。」
