曾傲棐（Arvin）、周傲霆（Vin）和張運兒（Yoona）日前在新城廣播，接受由JY主持的《Z世代咪高峰會》訪問，而GooChan（陳澤鴻）就擔任嘉賓主持。Arvin早前推出新歌《FM520》，成績不錯，他坦言感到十分開心，所以現時正準備製作第二首單曲，期望可以盡快面世。Vin早前組成一隊Band，他笑言新歌較為直接暴力一點，「對心儀嘅女仔，我必需擁有佢。」
至於Yoona曾為李幸倪（Gin Lee）的《告別煤氣燈》作曲，剛出道做歌手的她，早前就新歌《Hallucinate》，她表示很多人都不懂歌名的發音，「第一次同人哋講，大家以為我講法文，其實呢首歌係講AI意識，點解用AI整啲作品出嚟會出錯呢？Hallucinate就係講緊呢個現象。」
Arvin指自己很少用AI，「我覺得遲早會融入生活，之前我會了解發生咩事，但我盡量唔想AI入侵我嘅生活住。」Yoona續說：「我對AI諗法，而家出第一首歌，就面臨AI已經識作歌，因為我係自己寫歌，負責曲詞，我就諗如果個個都用AI做歌，我個飯碗咪不保，我有用AI試下幫手，但暫時唔得，所以我想喺第一首歌探討呢啲議題，始終AI冇咗嗰種溫度。」
圖片：新城
