鄭伊健早前在英國倫敦舉行「HERE & NOW EKIN IN CONCERT 2024 LONDON」，小師妹黃淑蔓（Feanna）亦有隨行擔任表演嘉賓。席上，Feanna除了任樂隊和音外，更與伊健合唱《一對對》、《心照》和《For U & Me》等。
及後，Feanna面帶甜笑，獻唱伊健當年最經典的廣告歌，她邊揮手邊唱「每次見他將心意合成字句，偷偷的Say Hello……但願每天也望見」，愛玩的伊健就邊跑邊說：「邊度都有陽光！」他們重演廣告情節和經典對白，台下尖叫聲不斷。
伊健在今次演唱會，先後獻唱《友情歲月》、《一生愛你一個》、《感激我遇見》、《極速》、《自動勝利Let’s Fight》等等。伊健提及由黃偉文（Wyman）填詞的《新歌》，「其實佢寫咗好多歌畀我，頭先我都唱咗好多首都係佢填詞。但呢首歌好特別，叫做《新歌》，我唔知大家有無聽過，因為嗰陣時我低低地潮，有新作品都未必咁多人知道…點解叫《新歌》？當年我睇歌詞問點解，點樣『新嘅我』？嗰陣時理解能力有限。但今日攞返首歌出嚟，我同陳光榮講：『嘩，原來呢首歌唔係講我喎，係講一個人生。』我唔識講，不如唱啦！」他被歌詞感動眼濕濕。唱完他深呼吸，整頓情緒後唱出演唱會最後一首歌《Together》，他說：「做人要開心啲！」舞蹈員帶埋幾袋crew tee「手信」出場，與伊健一齊拋入觀眾席，全場興奮站起來，非常熱鬧。
完場後，歌迷不散場，狂叫Encore，伊健再度出場，他唱《動地驚天愛戀過》時看到台下歌迷全部站起來，揮動手機燈，他又再眼濕濕更一度哽咽，觀眾歡呼聲和掌聲打氣，他說：「所有歌真係唱晒，導演叫我出嚟唱多首歌。點都好，多謝你哋，無離開，Thank You！我演唱會有個特點，就係希望大家開心，所以點都要加多隻歌。希望大家開心咁離開呢個地方，記得我哋今日聚過，希望後會有期。」
圖片：大會提供
