衛詩雅（Michelle）早前在新城接受由潘紹聰主持的《恐怖熱線》訪問，原來她是潘紹聰節目的忠實粉絲，首次來到電台分享靈異經歷，更大爆爸爸遇上「神棍」一事。
Michelle指自己首次看到靈體，是在朋友的西貢寓所，她看到如籃球般大的白色氣體極速走出來，這個畫面仍然歷歷在目。另一次遇上怪事經歷，是發生在父母家，某個晚上，她寄宿在父母家中，凌晨3點聽到愛犬望着一個位置狂吠，令她起了疑心，「屋企出面的戶外環境比較大，第二朝我哋重睇閉路電視，見到狗仔狂吠之前，屋企出面有幾盞燈先後着咗，維持咗廿幾秒，好以有人喺出面路過再企喺度咁。」
Michelle於是向一名師傅求助，該師傅指Michelle家中有廿多個靈體，她表示知道後並不害怕，只擔心被靈體偷看她洗澡。「爸爸信有鬼，有段時間戴到成身佛牌，又將佛牌掛喺安放關公像嘅櫃上面；有日放學返屋企，我見到兩個男人喺屋企做法事，阿爸叫我唔好理，跟住我聽到師傅唸經，嗰刻有一下暈一暈，跟住就請走晒所有佛牌，連關公都請走埋。」
最後，Michelle分享了一個父母差點受騙的經歷，「佢哋有日同我講，話約咗觀音，又話有好多師傅徒弟一齊去，佢哋叫我一齊去，觀音咁難約梗係去。」眾人去到元朗錦上路一個爛地車場，走進貨櫃場內放了一張枱和香燭，師傅叫誠心跪拜觀音，但要求他們要閉眼，「我好奇係咁偷望，見到一個着住白紗、發光嘅人形，仲要高到上頂，爸爸話同時聞到蓮花香味，佢就覺得一定係真，但當師傅話要畀錢起廟，佢就覺得係假，之後爸爸仲突然醒起，當日換了新的蓮花香味止汗劑，之後就冇再去。」
圖片：新城
