黃智賢（Ben）今日在新城廣播，接受由譚玉瑛、何基佑及麥皓兒（Cayley）主持的《QK玉瑛室》訪問，由於今日是Cayley的36歲生日，新城廣播首席營運總監（COO）馬浚偉特別到直播室向壽星女送上小禮物，而新城廣播知訊台台長程凱欣亦準備蛋糕為Cayley慶祝，令壽星女感到非常驚喜。
在訪問中，馬浚偉再到直播室與Ben聚舊，兩人一見面立即相擁，更聊起在2005年拍攝劇集《鐵血保鏢》時的點滴，馬浚偉說：「嗰時你係三掌櫃，我係四掌櫃，仲有黎諾懿。」
Ben除了拍劇，相信很多人都知道，他入行初期在《閃電傳真機》中，曾演繹過不少角色，例如《Auntie烏卒卒》環節中的「聲大大」、《麥氏偵探社》的「數學博士」和麥偵探好友「查理」、《鼠洞》的「阿城」等等，當時深受小朋友歡迎。
今日與舊拍檔譚玉瑛相聚，當然開心不已，Ben笑說：「佢（譚玉瑛）當時好牙尖嘴利，我唔敢同佢講嘢，好記得佢成日同我講『你唔好咁嚴肅，要笑多啲』，又會鬧我，『你笑吓啦，嚇走晒啲細路喇，咁cool』，咁我就成日提醒自己，做個稱職嘅主持要由笑容開始。
事後，Ben接受《新城八大家》訪問，他表示接受《QK玉瑛室》訪問，猶如朋友聚會一樣。提到不少網民見到《閃電傳真機》主持人聚舊，令很多童年回憶湧現心頭，Ben開心地說：「一個共同成長，話細細個睇你嗰啲，可能而家已經結晒婚，原來自己儲咗好多嘢。（有冇覺得同小朋友拍嘢好難夾？）冇，當時我會諗要做一個稱職嘅兒童節目，可能我有9兄弟姊妹，我冇乜有真正童年生活，因為屋企家境窮困，好細個就要出嚟做嘢，所以我喺兒童節目入面，好似搵番我個童年。本身我冇讀過訓練班，一入去就要做，摸摸索索，自己去體會，去學習，去到拍劇係另一回事，係一個好寶貴經驗。」
Ben轉到戲劇組，遇到不同角色，令他更加入屋，最近，他在新劇《武林》還要半裸上身騷肌，Ben說：「既然機會嚟到，要好好把握，要似番一個武林高手，亦都係額外嘅得著，原來我仲可以Keep番fit。（一個人做運動咁悶，有冇一刻想過放棄？）我目標為本，但唔排除將來我要演個肥佬，咁我咪肥畀你囉，演員就係咁。」
