薛家燕今日出席保健產品活動，向都市人宣揚每日恆常的保健活動，提升大眾的保健意識。她開心表示很難得參與活動，「尤其我自己屬於長者，一到咁呢啲年紀，真係覺得健康好重要。點樣保持身心健康呢？最緊要係個腦，唔係冇記性懞查查真係好弊。社區入面嘅長者係好需要關注，好多時都忽略咗，所以呢個活動真係好有意義，所以我點樣抽時間都要做呢個大使。」
家燕姐工作繁忙，經常容易感到很疲累，記性方面亦較以前遜色一點，她笑說：「有時3個仔女，我都會叫錯名。」她透露早前大女珊珊為她接拍一部馬來西亞電影，「我會飾演女特務，都有啲動作戲㗎，同埋啲對白好長，會喺年尾開拍。（應付到動作場面？）我搵伍允龍幫我度吓。」
此外，曾參與《真情》、《皆大歡喜》、《男親女愛》等劇的蕭亮在多倫多家中離世，家燕姐說：「好耐冇見佢喇，始終年紀大冇辦法啦，希望佢一路好走！」
