曾傲棐（Arvin）最近發表出道甜蜜之作《FM520》，今日在新城接受由黎莉主持的《勁爆樂勢力》訪問，剛剛簽約英皇娛樂的他，指這首新歌就如他加入公司的心情，「公司同事，最近認識嘅新朋友，大家都搵到大家嘅frequency。」他否認是送給女朋友，「一切都係靠幻想，我冇諗住一個人㗎！」
在MV中，Arvin與女主角十指緊扣，問他當時有沒有緊張？Arvin笑說：「我認識對方，但係唔熟，本身以為好尷尬，因為我第一次拍嘢，我發現原來用做嘢心態係冇尷尬，做嘢之嘛！（因為第一次，所以唔使kiss？）因為講緊兩個人啱啱調啱個頻道，我哋係傳統人嚟㗎嘛，邊會一嚟就嘴㗎，拖吓手先啦，留番下次先嘴！」
未出道的Arvin，曾經在街頭進行busking，2022年獲邀擔任張敬軒演唱會嘉賓，現時更成為兩師兄弟，問到軒仔有否對其新歌給意見？Arvin說：「我冇問佢，因為前段有啲時間，我同佢嘅唱腔有啲似，可能佢都驚畀得太多意見，變咗佢嘅作品。
