由新城廣播有限公司知訊台主辦，節目《開心大派對》的薛家燕帶領兩位主持范振鋒和思敏主持的「愛‧最美麗維港之夜2024」，昨晚在尖東舉行，除了吸引大批來賓、Fans外，一眾圈中人陸詩韻、可嵐、黃澤鋒一家三口、邵卓堯、湯俊明、彭迪安等亦有到場支持。
席上，「家燕媽媽藝術中心」的一班學生首先打頭陣演出，精彩的歌舞表演，贏得台下一片掌聲，接著分別有李龍基、羅啟豪、支嚳儀、詹天文（Windy）、張馳豪（Aska）、潘靜文（Sherman）、林智樂（Felix）、孫漢霖（Steven）及男子組合DIFNE的表演，出道只有很短日子的DIFNE在表演完畢後，獲得前輩薛家燕的鼓勵：「佢哋自己編曲、又唱又跳，真係唔錯，一流，加油呀！」接近晚宴的尾聲，薛家燕和范振鋒跳唱《難兄難弟》，范振鋒表示兩個星期前已經開始練舞，難怪兩人甚有默契。
應屆DSE考生的Windy，早前獲國際知名的音樂學府Berklee College of Music（伯克利音樂學院）取錄，她透露雖然收到幾間大學的面試，但始終要作出選擇，Windy表示Berklee College of Music是其首位之選，不過現時仍在考慮中。提到姚焯菲（Chantel）亦有意報考該音樂學院，Windy說：「Chantel有同我傾過，如果我哋讀同一間都幾得意，但佢揀嘅科目會同我唔同。」Windy表示就算在外地升學，會趁放假回港工作出新歌，不會暫停歌唱事業，「而家籌備緊出一首輕快嘅新歌，喺歌詞方面，我都有少少參與自己嘅諗法，希望表達到自己一啲嘅態度。」
Sherman提到日前與Felix和Aska舉行演唱會後，大感不捨得，她說：「落台嗰一刻係有少少淚光，希望快啲有下一次，（期待喺紅館開？）我諗係每位歌手嘅夢想同目標，我唔奢望自己一個開，如果《聲夢傳奇》15位一齊開就好，大家可以分擔吓。」Felix表示十分認同，認為紅館是每位歌手的指標。談到他最近推出新歌《年輪海》，邀請林德信在MV客串，Felix笑言拍攝時感到十分緊張，幸好最後順利完成。
至於Steven最近努力做健身增磅，「我原本體重係65kg，但我想重啲，多番啲肌肉，日日健身，又請教Aska，而家體重已經超過70kg以上。（操練到胸肌同腹肌？）腹肌未有住，仲增緊，但其他肌肉係比之前大咗少少，（想將來演出嘅時候可以騷肌？）係啦，我想畀一個最好嘅形態畀大家睇。」對於Aska之前推出新歌《Dirty Rhythm》，他開心表示看到大家都喜歡這首歌，「大家都OK我跳舞，我會喺呢方面繼續增值自己。
此外，李龍基最近自資6位數字推出新歌《雲淡風清》，並在內地錄音和拍MＶ，他說：「我唔係特登要喺呢個時間做歌，早前我被未婚妻（Chris）嘅事搞到好煩，傳媒一直迫住迫住咁，我想希望分散佢哋嘅注意力，我喺樂壇都幾廿年，可以講吓我啲音樂吖嘛！」他指這首歌帶出做人最緊要簡單的訊息
圖片：新城
