楊潮凱教囡囡毒品禍害有方法 8月再迎接新生命感緊張

楊潮凱教囡囡毒品禍害有方法 8月再迎接新生命感緊張

楊潮凱、Kellyjackie(陳曉琪)和香港女子冰球球員兼藝人張芷澄昨日出席禁毒活動,宣揚青少年反濫藥及健康校園信息,而《星夢傳奇2》亞軍黃洛妍亦有到場支持。身為禁毒大使的Kellyjackie,在15年創作了一首呼籲禁毒的歌曲《不可一不可再》,她表示想不到現在仍在唱,「我希望有一日唔使再唱,代表再冇毒品,唔使再宣揚禁毒,就如大會主題無毒一生燦爛人生。」

娛樂-明星-楊潮凱-禁毒
圖片:大會提供

娛樂-明星-楊潮凱-禁毒
圖片:大會提供

楊潮凱透露以前在美國讀書,當地的毒品問題比香港更為嚴重,現時已為人父的他,亦有向女兒教毒品的禍害,「我覺得淨係講都唔夠深刻,要畀佢睇相關嘅片段,例如吸毒後嘅狀態、傷口等等;我記得讀書嗰陣,睇過一段孕婦分娩嘅片段,當時睇完之後,就會知道唔好做錯事,否則會令到自己愛嘅人受到好大痛楚,與其話畀小朋友知唔好,不如畀佢睇吓個結果,呢啲係我教小朋友嘅方法。」

娛樂-明星-楊潮凱-禁毒
圖片:IG@hoi1218

對於楊潮凱早前曾透露太太懷有第二胎,他指預期在8月,到時會盡量調動工作時間,他表示:「心情都緊張,始終隔咗5、6年,要重新再照顧初生嬰兒,係另一種學問,我要重新睇吓啲資料,學吓幫BB沖涼。」他笑言已準備好,當BB出世的3、4個月都沒覺好睡。

娛樂-明星-楊潮凱-禁毒
圖片:大會提供

至於張芷澄坦言不會受到毒品所引誘,所以一定不會嘗試,「試過有個朋友食煙,我試咗一啖都覺得好難食,以後都唔會再試。」現在她仍是冰球球員,強調不會放棄打冰球,但也希望幕前工作可以多些演出機會,她跟袁富華是同一經理人,希望未來可以多些演出經驗