「牛咁眼」陳國權最重情義 曾為一件事離開無綫北上發展

「牛咁眼」陳國權最重情義 曾為一件事離開無綫北上發展

陳國權在70年代,因舅父是資深動作指導唐佳的關係,他毅然晉身演藝界擔任武術指導,1976年在一部美國電影《無敵女金剛》中,為女主角擔任替身;其後獲時任無綫助理總經理林賜祥(即金牌經理人陳家瑛丈夫)賞識,安排他在由王天林執導的無綫劇集《貼錯門神》飾演第二男主角「牛咁眼」一角,從而為觀眾所認識,亦有電影公司乘勢開拍電影《新貼錯門神》。

娛樂-明星-陳國權-牛咁眼
圖片:香港演藝人協會截圖

娛樂-明星-陳國權-牛咁眼
圖片:陳國權Facebook

早前,陳國權接受《香港演藝人協會》訪問,他透露首次演戲感到十分緊張,「好大疊劇本拎畀我,背劇本唔係我強項,於是日日棟起床板係咁讀,可能上天安排,我好快就融入咗去,連黃元申都覺得我係一個好特別嘅人,因為佢知道我會記埋佢嘅對白,做成場戲嘅時候,可能你漏咗一句,就要重頭嚟過,咁我講埋佢嘅對白…慢慢熟習咗做演員。」及後,陳國權參演不少劇集,包括《千王之王》、《流氓皇帝》、《楊門女將》、《戲班小子》、《鹿鼎記》、《赤腳紳士》等等。

娛樂-明星-陳國權-牛咁眼
圖片:陳國權Facebook

娛樂-明星-陳國權-牛咁眼
圖片:陳國權Facebook

直至1998年,陳國權決定離開無綫,到內地發展,「我當時係指導合約,又唔係簽演員合約,做演員做到好灰心,我想做番指導,咁啱有機會出去做指導,而呢個監製話唔夠演員,變咗搵我去演,呢套電視劇喺國內拍,但好衰唔衰,佢賣咗畀亞視播,我係指導合約,我係可以出去做演員,你唔可以將我軍吖嘛,跟住開始動我哋嘅武術組,當時武術組有八組,我係其中一組,佢動我哋嗰一組,即係動我哋嘅阿頭,我哋老一輩嘅人比較講義氣,咁我唔做,我咪辭職開始返國內囉!」自此,陳國權在國內工作,不時邀請香港藝人到國內的酒樓登台,閒時亦會留在香港,湊孫為樂。

娛樂-明星-陳國權-牛咁眼
圖片:陳國權Facebook