自新西蘭畢業返港後，姚焯菲（Chantel）新作浪接浪，全新跳唱單曲《New Fantasy》MV正式於昨晚（4月9日）上架。小公主形象深入民心的Chantel，決心暫別可愛風一陣咁多，在《New Fantasy》搖身一變展現出熟女人味。
作為Chantel今年第一首派台歌，加上已經18歲大個女，所以今次歌曲以「蛻變」作主題，希望向大家展示全新形象。MV之中Chantel連場勁歌熱舞，事前要不斷上堂備戰，她說：「為咗今次MV練咗十幾個鐘，同埋我覺得最難係記好每個動作，記得之後仲要花好多時間琢磨點樣做得最靚最流暢。」
