陳慧琳（Kelly）《Season 2 萬人結界演唱會》前晚（7月19日）來到第七場，重量級嘉賓終於登場——張家輝。
張家輝與Kelly在紅館舞台復刻電影《中華賭俠》名場面，大唱黎明電音跳唱經典《眼睛想旅行》，家輝在台上大曬排舞師為他度身訂造的舞步，與Kelly默契互動引爆全場氣氛，最後一句更爆肚唱出：「我攞碌蕉掟人！」神還原「蕉版」神韻。
這天影帝聯乘天后合作別具意義，因Kelly早前曾以「垃圾婆」造型現身支持家輝主演的電影《贖夢》謝票場，而這次輪到家輝擔任她的演唱會嘉賓，Kelly亦特意換上一襲黑色膠袋風格、為家輝而設的晚裝，幽默呼應兩人在《贖夢》宣傳時的互動。
樂壇天后陳慧琳（Kelly）的《陳慧琳Season 2萬人結界演唱會》昨晚（13/7）於紅館火熱上演第三場，場面墟冚，吸引來自美加、台灣、澳門及內地的粉絲撲飛捧場。Kelly在台上特別鳴謝專程由英國返港的音樂人雷頌德時，更一度感觸落淚，真情流露。
音樂才子兼金牌監製雷頌德（Mark）自從2018年舉家移居英國後，一直專心照顧患癌太太梁家玉（Jade）同三個仔，鮮少公開露面。不過近日Mark為咗好拍檔陳慧琳（Kelly）嘅紅館演唱會《陳慧琳Season 2 萬人結界演唱會》擔任音樂總監，終於返嚟香港啦！日前更在社交平台貼出與Kelly攬到實嘅合照，仲感性留言話：「Kelly係我合作最耐、最多嘅歌手，我哋嘅音樂事業幾乎同期起步。今次演唱會係同樂迷嘅珍貴回憶，但同時我哋都繼續向前，挑戰未做過嘅嘢！這次我也盡量找來我們最OG Band 的樂手兄弟姊妹,我知道將會是一個很開心的經歷！Good show everyone!」作為Kelly最強監製兼戰友的Mark，與陳慧琳默契依然爆燈。
