J.Arie（雷深如）今日在新城廣播，分別接受麥卓華主持的《原來生活好快樂》、黎莉主持的《勁爆樂勢力》和昆頓主持的《說故事的人》訪問，宣傳其新歌《一人之下》。
節目《原來生活好快樂》主題曲的曲詞，是由J.Arie一手包辦，節目開始時，麥卓華笑說：「我好相信，由3月嗰個星期開始播到而家，全年播放率最高嘅歌曲，一定係《原來生活好快樂》。」J.Arie的生活態度是活在當下。
相隔7年再度推出J式情歌，今次J.Arie要道出感情是應該對等的，她向《新城八大家》表示：「呢首歌係我一直好想講嘅主題，女性版嘅愛的宣言，點解要由男仔去做呢件事？（將來你會唔會咁做？）梗係會，我覺得至少要平等，至少男仔講完，然後匿埋喺門後，再由女仔去講愛的宣言，由細到大我都追求公平，唔關女唔女權，我要男女平等。」
現實生活中，J.Arie很會照顧伴侶，「天性係咁樣，可能係一面鏡子，我好想有人咁樣為我付出，我要對等，但係冇得用計分制去睇對唔對等，所以我覺得我做咗就OK喇，對方Get唔Get到，又或者你會唔會回饋番我，我做咗，我開心就算喇！」
對於《一人之下》MV的男主角，原來是J.Arie經朋友而認識的一位拍硬照男子，「我喺IG見到佢，而再經朋友Hugo（曾參加選秀節目的丘凱雄）介紹，其實呢個MV好容易產生共鳴，因為好日常生活情侶間會做嘅事。」如何向Marco要求露肉演出？J.Arie說：「本身我諗係咪可以多啲露肉情節，但係我又費事太過夾硬，我好想生活化，唯一露肉係床戲。其實Marco被好多網民話佢似Tyson Yoshi。」
圖片：新城
