新城廣播重新打造「新城唱好音樂會2024」，第一擊將於6月8日星期六晚上7時在海洋公園舉辧「新城唱好海洋公園音樂會 周禮茂作品展」，周禮茂今天（18日）接受新城知訊台T.MAX主持的《得閒high tea》訪問，同場還有兩位聲夢學員的林智樂及張馳豪。
周禮茂分享如何成為作詞人經歷
T.MAX即場問到周禮茂為何會選擇做一名填詞人， 周禮茂分享起初是做填廣告歌詞先，才開始寫作生涯：「上咗癮之後開始拎日本歌就會寫佢哋歌變做寫廣東歌流行歌詞，寫先之後自己收埋，有唱畀啲朋友聽。」
周禮茂人生低谷時創作《邊緣回望》 望分享正能量
周禮茂亦有分享人生比較低谷的時候，包括愛情、事業不如意時，將這些心情寫了歌曲《邊緣回望》，「當時我已經放下咗，《邊緣回望》最尾我係希望同大家分享到我已經企返起身同面對前面嘅更多挑戰，我希望將正能量歌擺出嚟。之後開始畀人認識同埋畀機會我做多啲歌。」
周禮茂指當年做作詞人少與歌手交流
聲夢學員林智樂和張馳豪化身主持，向周禮茂提了不少問題，張馳豪笑言問了一條大膽問題，就是與哪個天王天后合作很深刻，譬如說很難招呼，周禮茂說：「都有嘅，但當時監製權力好大，好多時操控權係監製到，除非同歌手好熟，唔係都好少交流。」
周禮茂爆與天后林憶蓮關係
周禮茂會議當時同天后級歌手林憶蓮是樓上樓下鄰居，坦言林憶蓮害怕他：「因為可能我有時半夜三更諗到歌詞我會改，佢比較健康嘛，我夜貓嚟嘛，半夜先寫字，驚我搵佢。」
周禮茂作詞地方好有趣：空氣流通啲
此外，周禮茂更自揭秘密，指有一段時間是一個人居住，特意整了一個書房寫歌詞：「除咗頭三個月喺書房寫之外，我其餘時間寫嘅歌詞都喺廚房寫，因為有足夠地方擺唔同工具，同埋有抽氣扇、有抽油煙機，令空氣流通啲。」
周禮茂填詞經驗豐富 最快35分鐘填完一首歌
周禮茂填詞多年，經驗豐富，談到最快填完的一首歌，只是花了35分鐘，是林憶蓮唱的《三更夜半》，另一首經典名曲《獨自去偷歡》也只是寫了一小時。不過要說陷入最困難的歌，笑言花了半個月才填好：「都係同一個歌手林憶蓮，因為佢要填嘅歌係李宗盛大哥嘅《傷痕》，點填呀原曲咁精彩，最終係諗足半個月。」
周禮茂最愛作品係《李香蘭》：覺得係可以見得下人
創作作品無數的周禮茂，要說到最喜歡的作品絕對是《李香蘭》，他說：「我唔係要將自己升格，但我覺得成篇詞文學價值唔可以話係粗俗嘢，修詞同意境我覺得係可以見得下人。」
