「小天后」炎明熹昨天（9日）是她的19歲生日，在生日的前一天，炎明熹無預警下在IG宣布推出新歌《還有一艘救生艙》兼發布了MV的精華片段，影片中的她與MV的男主角有不少親密互動，例如手拖手以及額頭貼額頭等，令到一眾fans睇到有戀愛感覺。
A0炎明熹拍喊戲有突破
現年19歲的炎明熹至今還沒有嘗試過拍拖，但拍完新歌MV後，她接受TVB訪問，表示MV的故事令她感受深刻：「因為導演係拍之前已經同我遘過一次，所以令我身同感受，雖然我未經歷過拍拖，至少我感受到前面開心同幸福感覺。環境都令我有一個氣氛，令到我喊出嚟，平時我係喊唔到，估唔到我自己可以喊出嚟，今次係非常幸運一天，多謝大家嘅幫助。」
炎明熹同MV男主角有唔少親密互動
炎明熹在MV中有不少與男主角親密互動的鏡頭，看出她非常投入拍攝，她笑言是一種新嘗試：「我覺得今次算係新嘗試，同埋我覺得大家應該唔會尷尬，因為始終係做一段戲。男主角真係好識做戲，完全帶動我入故事，完全投入到就唔會有尷尬同埋唔舒服嘅地方。」
炎明熹自爆願意試Long D？
MV中男女主角是遠距離戀愛，炎明熹笑言拍攝前大家跟她說Long D（異地戀），起初也不懂Long D是甚麼意思，「其實我本身唔知咩意思，我問過人，原來Long D係一個異地戀嘅關係。（接受Long D？）我未知自己會唔會接受，但暫時嚟講我會接受，因為我未經歷過呢個情況，暫時呢一方面覺得，可能都係好處，如果大家日日對住可能會厭，但Long D呢個關係每次返嚟都有新鮮感覺，但我唔知現實係唔係咁。」
炎明熹拍MV NG全因為笑點低
另外，拍攝MV時炎明熹也NG了不少次數，全因為常常在發笑：「笑點有啲低，頭先都會有少少忍唔住笑，但我忍唔住笑唔係因為尷尬，係因為自己搞到自己笑，同埋有時我影相，大家都會叫我畀心，但係我好少畀心，因為我覺得有啲尷尬，所以我就笑咗出嚟。」
炎明熱19歲生日感謝粉絲祝福
提到昨天是她的19歲生日，炎明熹推出新歌笑言是最好的生日禮物之外，炎明熹亦收到不少粉絲送上的生日祝福，她說：「謝謝大家的生日祝福，為表感謝，在此獻上我的幕後影片。感覺這首歌很適合晚上聽，和坐車的時候，感覺有個魔法的時刻就是卡上了點。」
