今天（2日）是歌手羅啟豪的40歲生日，他現身新城知訊台接受台長程凱欣及麥卓華主持的《原來生活好快樂》電台訪問，節目完結後羅啟豪獲兩位主持送上蛋糕祝賀。
羅啟豪邁入4字頭 感恩一眾粉絲支持
羅啟豪接受《新城八大家》訪問時表示，提到踏入40歲最大的生日願望是宣傳好新歌，大一歲對他來說只是數字變化，沒什麼感受，不過最感恩的是有一班支持他的粉絲：「今年對我嚟講係好特別嘅生日，因為係我成為歌手第二年嘅生日，加上我有第一首自己個人單曲，另外今日門外都好多fans都嚟支持我。」
羅啟豪學習分配時間 望多陪伴家人
羅啟豪透露生日會與家人一起慶祝，他坦言因為入行做歌手後，與家人見面機會減少了很多：「暫時我係比較忙，我仲係學習緊分配時間，所以我係希望可以做得好啲，分配到多啲時間俾屋企人。」
羅啟豪對《中年好聲音2》賽果滿意 心水第一名撐譚輝智
羅啟豪是《中年好聲音》第一季的季軍，而早前《中年好聲音2》已圓滿結束，作為師兄的他對賽果直言是滿意：「作為過來人我都知係幾大壓力，因為當晚賽參者真係付出好大努力同功夫。其實三強我都估中晒，不過順序係唔同。（心中第一係譚輝智？）其實係私心，因為我同佢合唱過，不過其他參賽者我都有支持。」
甄妮鬧爆《中年好聲音2》賽果？ 羅啟豪：每一個人都有佢自己意見
另外，早前被稱「樂壇風紀」的甄妮姐姐就在網上鬧爆《中年好聲音2》賽果，狠批冠軍古淖文油膩誇張，替譚輝智失冠不值。羅啟豪也知道這件事情，他說：「我覺得每一個人都有佢自己意見，甄妮姐姐係一位好受尊敬同好有經驗嘅前輩，可以係佢身上從中無論正面同負面，都可以吸收一啲進步到嘅位。」
