歌手泳兒今天（28日）以嘉賓身份，出席新城知訊台由T.MAX主持的節目《得閒high tea》訪問，在訪問中泳兒表示近來推出新全單曲《撞到正》，想表達的是人比鬼可怕。為何會有這個想法呢？
泳兒解釋合不來的人 比鬼更可怕
泳兒認為不會真的那麼不幸，每天都會遇到鬼，反而覺得人會更可怕，尤其一些和自己合不來的人，若然每天都遇到，其實很可怕。
泳兒自爆從前會受別人影響導致心情極差
泳兒亦分享曾遇到不好的人，用一招處理自己心情好過一點：「我以前好易俾一啲我唔鍾意嘅人影響，我會唔開心、憤怒、屈住，都合理，但我覺得如果問題唔係自己，係人哋嘅話，點解要俾佢影響到呢。我就係要做返自己想做嘅事，所以我覺我心態真係好重要。如果你唔當一回事時，你就唔會咁易被影響。」
提到最委屈的事，泳兒笑言已忘記了，但有時候聽到一些誤會或謠言，她都會嘗試去解釋：「用自己嘅方法，有機會可以同對方有對話（的話），都會講，有時要行動囉，當大家接觸過，可能就會化解誤會。」
泳兒望能開演唱會 以紅館做目標
除了宣傳新歌，泳兒其中一個目標是能夠再開演唱會，「我覺得今年嘅歌好啱唱LIVE，（紅館做目標？）我心入面梗係想有一日踏上紅館大舞台，未踏上（紅館）之前咁做多啲唔同類型嘅歌。」
