即將踏入馬年，除了本地賀年歌，一首馬來西亞來勢洶洶的洗腦神曲《Ong Kaw Kaw》近日紅到香港。今日（12日）歌手龔柯允（Karen）和莫凱謙齊齊現身新城廣播宣傳新歌，身為馬來西亞人的Karen，即席化身「語言導師」，為香港觀眾拆解這首「Ong Kaw Kaw」背後的福建話密碼，逗得全場大笑。
說起這首洗腦賀年歌，Karen笑言自己作為馬來西亞華人，聽到《Ong Kaw Kaw》紅到來香港，感覺既親切又驚喜，「好多香港朋友都問我『Ong Kaw Kaw』到底係咩意思？其實要拆解三個字。」
她解釋「Ong」是福建話，代表「旺」，通常在喜慶場合會聽到大家講「Ong ah」；而「Kaw Kaw」同樣來自福建話，意思是「很多」或者「好勁」。Karen表示：「平時我哋點用？譬如你去咖啡店想飲一杯好濃嘅咖啡，就會講『Kopi Kaw Kaw』。」她即席模仿大馬腔調，莫凱謙聽得入神，笑問：「咁鬧人鬧得好勁，係咪都可以咁用？」Karen搞笑謂：「係㗎，『我鬧到佢Kaw Kaw』，即係鬧到佢好甘。」
她總結：「《Ong Kaw Kaw》其實就是『今年旺到好勁』、『旺到不得了』的意思。馬來西亞人沒有協音限制，可以天馬行空，所以先會創作出咁洗腦嘅賀年歌。」
聽到Karen如此「落力」教學，身為香港代表的莫凱謙立即現學現用：「今年拜年我識講啦！祝大家荷包Kaw Kaw，仲要Ong埋！」他邊講邊做出逗利是的手勢，笑言要「支援」一下自己的新碟。Karen聞言大讚：「荷包Ong，利是Kaw Kaw，好意頭！」
除了大談賀年歌文化，二人亦趁機宣傳新碟和新歌。莫凱謙剛推出首張同名專輯，更剛完成首個個人音樂會，笑言今年時間過得好充實，他稱：「由聖誕、元旦到農曆新年，所有節日都係同朋友、家人一齊過，佢哋一路幫我做作品，所以成個過程都好暖、好旺。」至於被追問可有另一半陪伴，他竟然口窒窒表示：「佢哋……唔係『佢哋』，哎呀好大件事！」最後才補答：「我嘅另一半就係音樂，大家都會喺我嘅作品入面聽到㗎！」
Karen則透露情人節當天會推出新歌《有祢愛我》，她表示：「情人節未必個個有拖拍，或者會覺得孤獨，我想送一份『永恆的愛』俾大家，即使你覺得自己唔完美，呢份愛依然會好愛你。」問到情人節會怎樣過？她透露會與老公在家「撐枱腳」，十分浪漫。」而農曆新年則會與家人齊齊飛到泰國布吉團聚，夠晒熱鬧。
圖片：新城廣播
