歌手方皓玟（Charmaine）今天（13日）到新城廣播接受訪問，原定去年除夕在觀塘海濱公園（觀濱）舉行的演唱會，因大埔宏福苑五級大火延期至3月舉行。Charmaine近日積極籌備個唱，她直言有觀看元旦日發生的暴力事件，形容該處「氣氛比較澎湃」，笑稱會「加操」一兩招應付突發事件。
Charmaine剛推出新歌《我想過一個怎樣的人生？》，今次唱腔完全顛覆以往的唱法，轉以運用「少女味濃」的高音唱腔，她解釋：「平時我嘅聲音比較中低音，但唱呢首歌時成個人好似昇華咗。」Charmaine將於2月推出全新專輯，收錄17首新作品，她表示：「依家買碟嘅人都係恩人，所以真係好感激。」
之後她會到觀濱舉行演唱會，對於選擇觀濱作為演出場地，Charmaine坦言該處「氣氛比較澎湃」，能營造獨特的音樂體驗，但同時也帶來挑戰。她特別呼籲樂迷：「希望大家唔好咁刺激，專心用耳朵去聽我嘅音樂就得，唔好有啲古靈精怪嘅嘢，希望可以安安全全做到呢個表演。」
Charmaine除了籌備新碟，同時亦忙於排練演唱會，她笑指：「我有睇嗰條元旦影片，出拳嗰個角度係要擋，如果唔擋就中『雲精』。我都會先學幾招，加操咗先去做呢個表演，以備不時之需；雖然現場保安充足，但都要確保演出順利。」另外，Charmaine今年內將發表個人第100首創作，她興奮表示：「100首歌證明我分享咗好多故事畀大家聽，經過100首嘅磨練，我希望100首過後會更加精彩。」
圖片：新城廣播
