藝人何浩文日前到新城廣播接受黎莉主持的《勁爆樂勢力》訪問，分享他時隔近10年，再次推出個人單曲《合拍得叫人詫異》；何浩文坦承自己曾因完美主義與缺乏自信而卻步，如今在好友開解下鼓起勇氣，為音樂夢想再次出發。
何浩文透露自己過去曾深陷對外表的不自信，因他喜歡如畢彼特（Brad Pitt）般充滿男人味的類型，但自己的長相與之不同，因此花了很長時間接納自己，直到去年才真正接受自己的樣貌，他表示：「喺工作上面，我成日畀啲同事話我『你唔得㗎』、『你咁樣衰』，令我開始相信，又或者當時自己唔識得去反駁，畀人建立咗個氣勢。」
由於缺乏自信，為何浩文帶來了巨大的現場表演壓力，他分享一次表演，唱到最後一句走音，令他耿耿於懷整整一星期。幸而在人生低谷時，獲得好友兼音樂製作人甯浩基（Sam）開導，何浩文憶述：「我同Sam分享呢個經歷，佢話我要畀多少少信心自己，同佢傾偈嘅過程，佢會畀方向我，叫我去諗。」
何浩文形容自己以前是隨波逐流，不敢將內心真正的想法說出來。對於好友Sam的幫助，他回應：「我諗諗吓都覺得佢講得啱，幾時先會有Ready嘅標準呢？我覺得係唔會有嘅，因為你個人想進步嘅心，你會設定一條線自己想去達到，但當你進步咗少少，條線又會向上移。」
正是這番對話，讓他決心踏出舒適圈，再次投入唱歌和演戲。而這次回歸樂壇，何浩文將推出四首歌，首支作品《合拍得叫人詫異》以一見鍾情為主題，MV為配合歌曲，特別通過盆栽發芽，象徵緣分的開始，希望帶出輕鬆相遇的感覺。
圖片：新城廣播
重溫節目，請於11月20日早上十一時登入知訊台《勁爆樂勢力》：https://www.metroradio.com.hk/997/
