剛大學畢業回港打工的那些年，時不時都大破慳囊置裝，月薪不足兩萬卻走進名店SWANK買了一套八千蚊的套裝，花近一半薪水買一套衫，諗番轉頭都覺得自己太瘋狂。
日子有功，漸漸領悟到衫唔需要買太貴，反正係人着衫不是衫着人。近年更鍾情於把買衫錢花在珠寶首飾，至少不會如衣服般折舊，有眼光，懂得揀，更具升值能力。
論眼光，真正的專家未必在民間，從家族擁有經營珠寶店六十多年的中學偷絲亦長了不少知識。有時更會欣賞坊間名媛們的穿戴，訓練鑑賞力。
話說去年有一段報道指岳少女兒林恬兒赴宴戴上一串珍珠項鍊，被網民轉載至小紅書，且被質疑如此大粒每顆直徑近一寸的巨型珍珠項鍊是塑膠假貨。
網民更大放厥詞，指「咁大嘅珍珠當然唔係淡水珠亦都唔係海水珠，係膠珠！」母親謝玲玲心痛女兒被屈，罕有為女兒澄清珠鍊乃婆婆所贈，是代代相傳的家傳之寶。雖網民孤陋寡聞有眼不識無價寶，教精佢變相袋錢落佢地袋！
同學仔幼承庭訓，早已是珠寶界專家，指出因早年南洋珠仍未被大量開採，有咁大粒真係唔稀奇！網民都錯唔曬，該串珍珠項鍊嘻係淡水珠亦都唔係海水珠，因為佢係貨真價實的南洋珠。
內地多年來假貨充斥到了一個點，偶有真貨重現人間亦往往被以為是假貨，好多人一生從未見過真品。
小妹去年底參觀周大福珠寶店時，一眼看中一串在玻璃櫃展示的鎮店之寶、標價148萬的南洋珍珠項鏈，珍珠粒粒圓潤皮光靚，忍不住戴上拍了張照片給自己做profile picture。
