為慶祝新城廣播邁向35周年，新城廣播昨日於啟德青年運動場隆重舉辦的《樂動新城．慈善運音會》已圓滿結束，百位人氣歌手、明星足球員及體壇精英熱血力撐，共同為這次集合運動、音樂和慈善的有意義活動出一分力。「聲夢三小花」姚焯菲（Chantel）、鍾柔美（Yumi）及詹天文（Windy）僅睡6小時拼盡全力，而78歲的羅家英與香港明星足球隊踢贏香港傳奇足球隊，成為全場焦點。
《樂動新城．慈善運音會》在主禮嘉賓文化體育及旅遊局局長羅淑佩JP、新城廣播行政總裁馬浚偉、「舞台王者」郭富城、前港隊輪椅羽毛球運動員、巴黎殘疾人奧運輪椅羽毛球銀牌得主陳浩源MH、殘奧會友主席張偉良BBS, MH完成開球禮後，分別進行多項精彩賽事，包括：足球表演賽「香港明星足球隊」對「香港傳奇足球隊」、田徑項目「100米男女子短跑賽」、「200米男女子混合接力障礙計時賽」、「4×100米男女子混合慈善接力跑」，各比賽項目由下午三時激戰至日落，充滿熱血。
不過比賽期間難免發生意外，力臻、Michael C、Cotaboii及Delta T玩障礙賽施展不同「戰略」：力臻使用「出貓」策略，Cotaboii用向前跑唔理其他人策略，Delta T採用「仆親策略」，跌損雙腳膝頭，但他很樂意展示膝頭傷勢；莫可謙、陳肇麟及鄺星宇（Alex）參加百米短跑賽，Alex跨欄時險仆倒，他表示：「人生第一次跨欄，平衡唔到。」比賽場上亦都笑料百出，釗彤投訴力臻呼拉圈犯規，但力臻澄清：「我踩規則底線，可惜跣手碌咗個圈！」釗彤認輸得心服口服：「我哋輸咗創意。」
聲夢人氣組合「三小花」詹天文（Windy）、姚焯菲（Chantel）、鍾柔美（Yumi）透露因工作關係，她們只睡了6小時堅持出賽，Windy笑言：「瞓唔瞓得足都唔會跑得快，但會盡全力。」Chantel靠咖啡提神，Yumi則憑健身習慣支撐體力，三人異口同聲表示：「最緊要玩得開心，為慈善出一分力。」
由譚詠麟帶領的香港明星足球隊，以2:1擊敗香港傳奇足球隊，羅家英、黃日華、關禮傑及趙浚承比賽完後拿着獎盃接受訪問，黃日華激動道：「對手係我哋細個偶像，代表香港贏過好多榮譽，同佢哋踢波好榮幸。」早前自揭四度患癌的羅家英精神奕奕，在球場上健步如飛的他直言：「今日幾好，狀態唔錯，講嘢好大聲，夠膽鬧人。」他們又宣布有新會歌《完美拍檔》，黃日華更驚喜擔任監製：「我唔識唱歌，但識教歌，幾犀利呀！可能做戲出身，知道台詞邊個位可以快啲慢啲，擺多啲感情落去。」
至於《中年好聲音3》的劉洋和李金凱則首次以香港明星足球隊成員身份出席公開活動，二人表示感到緊張，劉洋笑言落場時感到腳軟，但五分鐘後感覺好一點，金凱表示：「跟自己偶像一齊踢球，一齊流汗，很奇妙。」
The Lemon Ones成員Brian、Bobo、Jero及黎展峯勇奪4×100冠軍，黎展峯坦言跑最後一棒壓力大：「驚拖累隊友，好彩頂得住。」吳若希完成200米障礙賽後表示：「作為歌手我絕對達到體藝共融，唔單只台上表演，運動場上都有努力，希望下次跑400米。」Gareth.T獻唱後感慨重現中學運動會氛圍：「如果再邀請我，可以請我去跑步，跑幾多米都可以。（寫首歌關於運動？）可能寫一首做運動時會聽嘅歌，最近做運動聽好多Hip-hop。」
擔任表演嘉賓的魏浚笙眼見運動場不少歌手落場比賽，展示青春活動，他表示好想落場一同比賽，但可惜沒有推鉛球項目，他說：「想當年小弟推鉛球係有啲成績，8人比賽都排第6，今次玩跑步，好可惜冇得參與。」關智斌則希望挑戰擲鐵餅，他自信表示：「近排練前臂臂力幾好，成績應該唔錯。」忙於演唱會綵排的他強調體能訓練是「標準配置」，更預告：「身材方面可能會大方啲。」
圖片：新城廣播
