早前被王晶狠評「人肥歌雞舞賤」的姜濤，實情演藝天份如未被徹底開發的油田，掘極都有。在最後一集《呂濤米Lo Seoul》，MIRROR小隊被安排拍攝坐直升機戲份，同行的花姐因膽小不敢玩，攝製隊更直擊了姜濤如何軟硬兼施，花式拉花姐落水。
聽到花姐話：「我都五十幾歲你放過我啦！」，機靈姜即秒回：「今日花姐唔飛，我唔飛！」又識玩心理戰，向豪語「個節目好唔好睇關我咩事」的花姐直轟：「你（花姐）嚟得呢度就係驚個節目唔好睇啦！」成功要脅花姐簽下生死狀冒險登機。
說服花姐簽生死狀有功，姜濤開心得手舞足蹈，綜藝魂上身預演MIRROR兄弟得悉此事的反應，再次在鏡頭前上演「姜之模仿秀」，逐一將Jeremy、Anson Lo、Lokman、Tiger的神情語氣和動作，巨細無遺呈現在鏡頭前。
聽到幕後工作人員大讚「犀利吖」、「好似吖」，姜濤更是沾沾自喜，主動表示：「Ian我都識扮！」
說罷即使出真功夫，即場演繹Ian畏高的心理反應，樹熊上身，眼神恍惚呢喃細語：「我唔玩……唔玩……我心臟有問題……唔玩！」
逼真程度令網民讚嘆，紛紛留言表示：「姜濤平時對身邊的人上心，要模仿時就即刻做到！真係好強」、「真的很開心見到姜濤能夠這樣的投入去『玩』」、「姜濤做綜藝好好睇，無偶包又夠放，自帶喜感好正」、「阿姜可唔可以扮晒11個兄弟？」
至於花姐的評語超簡潔，拍攝當場已對鏡頭表示：「我都幾肯定佢有病！」阿姜加油！繼續爆發更多奇技，為姜糖及觀眾帶來娛樂。
圖片：ViuTV《呂濤米Lo Seoul》、網上圖片
