吳若希（Jinny）日前到新城廣播宣傳新歌《感激跟你能夠遇見》。Jinny指新歌係一首cover，原本係菲道爾嘅歌，原本歌名叫《能遇見，就很不錯了》，然後變成廣東話版本，就叫《感激跟你能夠遇見》，希望大家珍惜當下，唔好等到離開咗再去懷念。
Jinny話：「主要係想送畀啲離開咗嘅人，喺我生命中出現咗但係冇再聯繫，甚至有啲真係離開咗，想送畀曾經出現過喺我生命中任何一位，每次遇到都係一種學習。無論個學習係好回憶定係坏回憶，都好開心可以遇到，令我學識好多野。」
被問到點解想做呢首歌，她坦言因爲嫲嫲上年離世，想送呢首歌畀佢係原因之一，同埋送畀朋友們、前度們。Jinny話做呢首歌嘅時候都有好多感觸，「珍惜現在擁有嘅野，享受而家呢個moment，唔好等到離開咗再去懷念。」
Jinny笑言：「第一次聽呢首歌嘅時候喊到七彩。」又講到自己loop完再唱完之後，情緒就變的好平靜、好淡。問到係咪已經擺底咗，Jinny就話：「擺底咗唔代表冇情緒，係已經放喺心入面。」
圖片來源：新城廣播
