方皓玟（小明）今日現身新城廣播，宣傳新歌《步兵記》，係第93首歌，同時透露今年一定會突破一百首。而對於前段時間同麥美恩（Mayanne）嘅小小風波都有新回應。
分享今次做新歌嘅啟發，方皓玟直言：「因爲太熟悉，一日見幾次，自己唔煮飯，唔去supermarket，日常三餐都係靠佢哋，真係好感恩，主要想記錄時代轉變，關注佢哋生活作息同埋工作前景，所以就寫咗嚟首歌。」
又問到今次係第93首歌，會唔會有個目標係今年完成去到100首，方皓玟直接搶答，「今年一定過百，因爲今年我會做10首歌，10月份出一隻20首歌嘅新碟。」更講到做音樂真係回唔到本，希望大家都可以多多支持每位歌手。
講到嚟緊會唔會都有開騷嘅計劃，方皓玟表示：「有啊有啊，傾緊一個7月份係多倫多嘅海外騷，但係最想梗係紅館，4年前做完之後就冇做過。仲講笑：「好似我呢啲申請咗好耐嘅朋友就多啲唱，成日申請到嘅就少啲唱。」
而上個月同Mayanne發生咗嘅小小風波，問到會唔會都怕左唔敢喺網上表現咁real嘅自己？方皓玟表示：「梗係唔會啦，有風波係正常，係溝通，我覺得係因爲Mayanne未見過我真人，可能見到真人又會鍾意我，話唔定嘅，所以識朋友都係要講緣分。」再坦言：「對於嚇親佢我都諗到點解，音樂人都係比較簡單直接，冇諗咁多野，嚇親佢之後我仲驚，所以打算嚟緊6月嘅時候去TVB做公益金嘅時候如果見到就好好咁打個招呼，大家真係見下咁樣。」
圖片：新城廣播
