日前（4月6日）「香港流行文化節2025 : 囍戲連場 – 香港喜劇電影」《92黑玫瑰對黑玫瑰》(1992) 假文化中心大劇院舉行放映活動，女主角之一邵美琪（Maggie）驚喜現身致敬作品，想起當年拍攝此片點滴，她陷入回憶中：「當年拍這部電影時，每天開工也很開心，因為 Bobo 姐 (馮寶寶)、家輝哥 (梁家輝)、詩姐(黃韻詩) 跟毛舜筠都教咗我好多嘢。」
拍攝《92黑玫瑰對黑玫瑰》時Maggie芳齡廿七，現場觀眾重溫她當年在電影中的風采，不禁讚嘆她凍齡有術，身材甚至比當年更窈窕，跟登六年齡不相符，近年養尊處優的Maggie罕有現身公開場合，去年好友黎瑞恩在戲曲中心舉行演唱會，她拍心口兼任幕後工作人員執頭執尾，對朋友無微不致，年前電視重播《妙手仁心II》，曹永廉現身公開場合時亦曾話當年，劇集出街時他剛入TVB，但爭落好多卡數，幸好邵美琪仗義與他情侶檔出騷，讓他得以賺快錢還清債務，阿廉感慨道：「好多謝佢，佢一向都唔做，但佢亦都知佢唔做我就冇得做，所以佢都幫我還咗啲債。」
人美心善，好事做得多人都靚啲。不少中年女星皆陷入容貌崩壞危機，祟尚自然美的Maggie卻逆齡生長，她曾分享自己會根據二十四節氣，在不同季節煲不同功效的湯水，滋補養顏；注意湯水補給，同時減少澱粉質攝取，閒來又隨跑步達人周潤發行山慢跑，鍛鍊身體之餘輕鬆減脂。去年Maggie返回TVB拍攝新劇《特勤女團》，與聲夢小花鍾柔美飾演母女，面對青春無敵美少女，絲毫沒有比下去，艷光更勝從前。
回到《92黑玫瑰對黑玫瑰》大劇院現場，有觀眾問Maggie 有那些戲種她是很想拍攝的？Maggie 答：「應該都是喜劇，因為拍喜劇可以令到自己和大家也開心。」期待邵美琪新作上映，登六後生活更精彩。
圖片：大會提供、微博
