近來TVB熱播嘅《奪命提示》其中焦點之一除咗劉穎鏇，仲有港姐郭柏妍，郭柏妍2020年選香港小姐入行，入行僅幾年已有機會拍攝電視劇並成為主要角色之一，之所以能夠咁快於演藝界發展，相信除咗郭柏妍有出眾嘅外表，其學識與能力亦係成功關鍵之一。郭柏妍入行後半工讀於香港大學進修食物安全管理碩士課程，中學讀書時活躍於多個課外活動包括游泳、步操樂團等，非常叻女！
中學活躍課外活動
郭柏妍就讀聖公會青衣邨何澤芸小學及東華三院吳祥川紀念中學，中學時曾代表學校多次參與學界游泳比賽且晉級八強，她更係步操樂團成員，並於「香港步操樂團公開賽」中獲得2011年度銀獎及2012年度金獎。除此之外，亦有參加朗誦比賽並獲得中五級女子粵語詩詞獨誦優異獎，可見郭柏妍唔只活躍於課外活動且亦獲得不錯嘅表現，中學畢業後入讀香港高等教育科技學院嘅食品安全學科。
選港姐為鍛鍊膽量
不過郭柏妍曾於訪問中曾直言自己係一位好細膽嘅女仔，雖然細個比較愛玩，但愈大愈靜，從前中學雖有參加過歌唱比賽，但卻因為膽小而唔敢開聲歌唱，讀書時期亦較喜歡留喺屋企，為咗鍛鍊膽量及訓練與人溝通嘅技巧，受家人鼓勵下便決定參加香港小姐，最終獲得季軍，正式加入TVB入行娛樂圈成為女演員。
不過，郭柏妍則表示由於本身較靜，入行時初對鏡頭都感到不安及緊張，後來慢慢適應後膽量便重新鍛鍊起來，更拍攝不少電視劇集，入行僅兩年已拍攝多部劇集，2022年便有五部劇集，其中代表作有《下流上車族》、《美麗戰場》及《白色強人II》等。
入行後堅持半工讀
入行後郭柏妍依然無放棄學習，半工讀香港大學食物安全管理碩士課程，至於本身點解會揀呢科，原來係因為鍾意食嘢，為咗知道如何能夠「食極唔肥」，加上本身有修讀化學所以便決定選擇呢一科，就於2021年順利畢業，正式成為碩士，成為具高學歷嘅女藝人之一！
另一方面，入行因為開始要參與大量戲劇工作，由於本身冇修讀相關課程，當時更計劃修讀戲劇相關課程，並接受監製及導演意見，多睇電影、電視劇，從觀察中學習，可見郭柏妍嘅上進心及求學精神，相信往後一定可以見到更多郭柏妍嘅作品及進步！
圖片來源：郭柏妍IG
