參加《中年好聲音2》出道的古淖文（German）今天（21日）到新城廣播接受黎莉主持的《勁爆樂勢力》錄音訪問，宣傳新歌《Follow Me》，German透露這首歌是他參加《中2》比賽獲得冠軍後的第一首歌，他直言想精益求精，並在最適合的時間呈現給大家聽。
German開心表示：「到目前為止大家反應都好唔錯，佢哋都話首歌好洗腦，我係特登做到咁洗腦，因為現今娛樂圈有好多我好欣賞同好叻嘅人，佢哋都好識得用佢哋嘅作品，去表達自己意見同想法，所以點樣宣傳自己呢？就係作一首極度洗腦嘅歌。」German更首次挑戰為歌曲寫Rap，「我都係硬住頭皮寫咗4句，都唔知算唔算Rap，叫做獻吓醜，但有待改進。」
提到一班「古粉」（古淖文粉絲暱稱）在鬧市購下大型廣告替偶像宣傳新歌，German坦言感到十分驚喜，他稱：「冇諗過喺各大商場、巴士車身同車站都見到自己個樣，係件好神奇的事，希望可以令更多人認識我呢首新歌。」
